Hayo, Ngaku, Sapa Sing Pada Kayak Kie?

Google Image

Assalamu’alaikum...

Ketemu maning karo inyonge sing mandan rewel, hehehe..

Kie aku pengen cerita pengalamane dewek, wingi dina Minggu (6/12), aku kue lagi pengen kayak wong Londo ben mandan keren. Dadine esuk-esuk gole sarap ya gayane wong sing kulite putih lan irungi kayak cucuk manuk gagak. Aku jam pitu esuk sarapan karo roti tawar telu iris campur ceres, terus susu segelas. Hhmmm, mbok kayak wong londo temenan. Bar kue aku mangkat ngode (ora ngode, dolan tok tilik PT).

Neng PT ngetik-ngetik sedela, eh pas jam 9 wetenge koh rasane perih, cacing sing neng njero pada joget kayak jogete Inul. Tek tahan-tahan koh sengsaya perih, ujarku esukue wis sarapan roti tawar karo susu. Al hasil ora kuat, akhire ya tuku rames, mbok semaput neng PT malah ngisin-ngisinke. Nah, bar diisi sega karo jangan lan mendoan, wetengku tembe adem, ora lara maning. Terus awane neng batire dijek mbakso (anu ditraktir ya sregep), tambah wareg rasane.

Bar wis mbakso terus aku ming Socio Library Cafe, ngelanjutna maca buku sing urung rampung. Ternyata, tembe sejam koh wetenge perih maning padahal wis mangan bakso semangkok. Akhire ya bali, padahal tembe maca buku tekan halaman 94 (jane kie numpang ngemutna, mbok kelalen gole maca gutul ngendi :D). Aduh-aduh, jan jane wetengku kie masalah apa ora ya? Apa weteng karet? Akhire ya aku mending bali ming ngumah, madang sewarege.

Aku kayak kue dadi ngerasa ana benere omongan wong tua jaman mbiyen, “Wong jawa kue nek urung mangan sega berarti urung madang.”

Panjenengan pada ngeraksana hal sing kayak kue apa ora? Aku sering masalahe, mboka wis mangan mie ayam semangkok, bakso, soto lan liane-liane sing gawe wareg, mesti ora tahan sue, kudu madang sega karo jangan ben warege awet. Hahahahaha...

Hayoooo ngaku, sapa sing pada bae? :D

(Kabare Bralink/Ery).