Headlines News :
Home » , » DABLONGAN : OPERASI SIMPATIK!

DABLONGAN : OPERASI SIMPATIK!

Written By Kabare Bralink on Tuesday, March 1, 2016 | 5:41 PM


DABLONGAN : OPERASI SIMPATIK

Njaluk ijin, agepan awéh warta lamon wiwit tanggal 1 kosi butul 21 Maret 2016 sejeroné 21 dina, POLRI se-Indonesia bareng-bareng agepan nganakna OPERASI SIMPATIK.

Sing agepan mriksa kelengkapan :
- surat-surat kendaraan motor rodha loro, papat utawané lewih.
- SIM
- Helm-é kudu sing SNI
- Spion
- Knalpot sing standar
- Ban standar
- Spékték pit motor sing ora manut aturan,
- lan liya-liyané...

Tulung kanggo keluarga, batir lan kancané rika padha dewéi ngerti kon sangkané padha tertib golé nunggang kendaraan, dekumpliti surat-suraté lan manut karo praturan lalu lintas sing ana.

Cathetan :
Sejroné kegiatan Operasi Simpatik desengkuyung dening TNI lan POM TNI. Mula sekang kuwé, rika aja kosi wani-wani temindak sing kaya neng ngisor kiyé :

* Nalika detakoni surat-suraté, rika aja kosi semaur, "Siki wis ora mangsan surat-suratan pak Polisi. Siki jamané layang éléktronik utawa e-mail...!".

* Pas kebeneran kendaraané ora nana spioné, rika aja ngomong, "Pak Pulisi... Inyong nguja ora nganggo spion merga kepéngin MOVE ON lan wegah ndeleng meng mburi...!".

* Nalika nunggang pit montor, aja nganggo blangkon ningén hélm. Njutan nalika detakoni, aja ngomong : "Blangkon kambi hélm toli kuat blangkoné. Ari ora percaya, jajal hélm-é pak Pulisi debanting, pecah apa ora...!. Angger blangkon debanting tah tetep wutuh...!".

* Kanggo wong-wong lanang, nalika kebeneran sing nilang Pulisi Wadon, poma-dipoma aja ngomong : "Biasa... Neng ngarepé wong wadon, wong lanang mesthi desalahna terus, ora tau bener...!".

* Sing pungkasan, aja merga deprentah kabeh kudu STANDAR, spion montore aja njutan degenti kambi standar lho yaaa... Mengko malah rika kangélan ari agepan nytandarna pit montoré...!.
Wis, ayakuwé baé...

Mangga sugeng tindakan nitih kendaraan, mugi-mugi slamet waras, lancar dumugi papan ingkang dipun tuju...
Hé... hé... hé...

Kabaré BRALINK
tabloidé wong Purbalingga

Agus Waluyo/Red

Foto : www.tribunews.com

#Dablongan #Purbalingga #Ngapak
Share this article :

0 comments:

Speak up your mind

Tell us what you're thinking... !

 
Copyright © 2011. Kabare Braling - All Rights Reserved
Desain by Darmanto Theme by Mas Kolis